ননৈ পোতনিমুখ চুতীয়া গাঁৱত মহিলা ভাওনা

নগাঁৱৰ পৰা ৱাহিদুদ জামান

নগাঁও জিলাৰ ননৈ পোতনিমুখ চুতীয়া গাঁৱত চাৰিদিনীয়া কাৰ্যসূচীৰে অনুষ্ঠিত হোৱা অখণ্ড ভাগৱত পাঠৰ অন্তিম দিনা বৃহস্পতিবাৰে নিশা স্থানীয় অঞ্চলৰ মহিলাসকলৰ দ্বাৰা পৰিৱেশিত হ'ল 'পাশা পৰ্ব'  ভাওনা ।

পোন প্ৰথমবাৰৰ বাবে পোতনিমুখ চুতীয়া গাঁৱৰ স্থানীয় মহিলাসকলৰ দ্বাৰা অভিনয় সমৃদ্ধ এই ভাওনাই উপস্থিত দৰ্শকৰ সমাদৰ লাভ কৰিবলৈ সক্ষম হয় । বৰ্তমান সময়ত পুৰুষৰ লগতে সমানে আগৱাঢ়িছে মহিলাসকলো ।

তাকে প্ৰমাণ কৰিলে এই অঞ্চলৰ মহিলাসকলে । এই মহিলা ভাওনা চাবলৈ কেইবা শতাধিক ৰাইজৰ পাৰ ভঙা উছাহ পৰিলক্ষিত হয় ।

শৰতৰ সেমেকা নিশাকো নেওচি সকলোৱে ভাওনা চোৱাত ব্যস্ত হৈ পৰাটো আছিল লক্ষণীয় ।