নগাঁৱত চলচ্চিত্ৰ "চানডে" অডিচনৰ শুভাৰম্ভ

এক নতুন চিন্তাধাৰাৰে নিৰ্মাণ কৰিব বিচৰা "চানডে" নামৰ চলচ্চিত্ৰখনৰ অডিচনৰ শনিবাৰে শুভৰাম্ভ  কৰা  হয় । এই  উপলক্ষে  নগাঁৱৰ ছহিদ ভৱনত আয়োজিত অনুষ্ঠান উদ্বোধন কৰে নগাঁও প্ৰেছ ক্লাৱৰ সভাপতি কনক হাজৰিকাই । কণ্ঠশিল্পী সুকনয়া  গোস্বামীয়ে  আঁত ধৰা  অনুষ্ঠানত পৰিচালক পংকজ পল্লৱ শৰ্মা, প্ৰযোজক ৰাজীৱ কাকতি, জেষ্ঠ সাংবাদিক দিগন্ত কুমাৰ নাথ, সমাজকৰ্মী  ইন্দ্ৰ মোহন গোস্বামী, অভিনেতা কৰুণ জোতি বৰা আদিয়ে "চানডে" চলচ্চিত্ৰখনৰ ওপৰত আলোকপাত কৰে ।

এই  অনুষ্ঠানতে চলচ্চিত্ৰখনৰ শিল্পীসকলে অভিনয় প্ৰতিভা  প্ৰদৰ্শন কৰে । উল্লেখ যে অসমৰ বিভিন্ন প্ৰান্তত অনাদৃত আৰু উপেক্ষিত হৈ থকা শিল্পীসকলক এই চলচ্চিত্ৰখনৰ জৰিয়তে প্ৰতিভা বিকাশৰ বাবে সুযোগ দিয়াৰ প্ৰয়াস কৰা হৈছে । অনুষ্ঠানত যশোৱন্ত শৰ্মা, বুন বৰা, প্ৰণব মেধী, বিৰাজ বৰা আদি উপস্থিত থাকে ।