আজি গোলাঘাট কমাৰবন্ধা অঞ্চলৰ বিশিষ্ট শিক্ষাবিদ, সমাজ কৰ্মী তিলক বৰা বাৰ্ধক্যজনিত কাৰণত পৰলোকগামী হয় । প্ৰয়াত বৰা বৃহত্তৰ কমাৰবন্ধা অঞ্চলৰ বামুণগাঁও, শিয়ালেখাতি, দোলাষৰীয়াৰ সংগমস্থলত ত্ৰিবেণী উচ্চ মাধ্যমিক বিদ্যালয়খনি স্থাপন কৰি প্ৰতিষ্ঠাপক প্ৰধান শিক্ষকৰ পদতো কাৰ্যনিৰ্বাহ কৰিছিল।
ইয়াৰোপৰি কমাৰবন্ধা শাখা সাহিত্যসভাৰ দুটাকৈ কাৰ্যকালৰ সভাপতিৰ পদো অলংকৃত কৰাৰ লগতে কমাৰবন্ধা মহাবিদ্যালয়, কমাৰবন্ধা কনিষ্ঠ মহাবিদ্যালয়, আঠাবাৰী সংস্কৃত টোল আদি শিক্ষানুষ্ঠানৰ পৰিচালনা সমিতিৰ দায়িত্বভাৰো পালন কৰি আহিছিল ।
কমাৰবন্ধা আঞ্চলিক চুতীয়া ছাত্ৰসন্থাৰ পৰামৰ্শদাতা প্ৰয়াত বৰাই একল অভিযান পদুমনি খণ্ড সমিতিৰ সম্পাদক ৰূপেও কাৰ্যভাৰ চলাই আছিল । বৃহত্তৰ কমাৰবন্ধা, কছাৰীহাট অঞ্চলৰ প্ৰতিটো ৰাজহুৱা অনুষ্ঠানৰ সৈতে জড়িত প্ৰয়াত বৰা আজীৱন ৰাইজৰ সেৱা আগবঢ়াই আহিছিল ।
তেনে এজন নমস্য ব্যক্তিৰ মৃত্যুত আজি কমাৰবন্ধা অঞ্চলৰ লগতে গোলাঘাটত শোকৰ বন্যা বৈছে । দুৰাৰোগ্য কৰ্কট ৰোগত মৃত্যু হোৱা বৰাৰ মৃত্যুৰ খবৰ বিয়পি পৰাৰ লগে লগে অসংখ্য গুণমুগ্ধ তথা বিভিন্ন অনুষ্ঠান-প্ৰতিষ্ঠানে অন্তিম দৰ্শন কৰি শ্ৰদ্ধাঞ্জলি অৰ্পণ কৰাৰ লগতে শোকসন্তপ্ত পৰিয়ালটিক সমবেদনা জ্ঞাপন কৰে ।
- Log in to post comments
- 1 view
