নাৰায়ণপুৰত অচল পশু চিকিৎসা কেন্দ্ৰ

লখিমপুৰ জিলাৰ নাৰায়ণপুৰৰ দক্ষিণৰ গোহাঁইপুখুৰী পশু চিকিৎসা কেন্দ্ৰটো বৰ্তমান সম্পূৰ্ণ অচল হৈ পৰি আছে । বিভাগীয় কৰ্ত্তৃপক্ষৰ চূড়ান্ত অৱহেলাৰ ফলত নাম ফলকহীন চিকিৎসা কেন্দ্ৰটো হাবি-জংঘলেৰে পৰিপূৰ্ণ হৈ পৰি আছে । 

দৰবৰ যোগানো নাই চিকিৎসা কেন্দ্ৰটোত । ফলত চিকিৎসা সেৱাৰ পৰা বছৰ বছৰ ধৰি বঞ্চিত হৈছে বৃহত্তৰ অঞ্চলটোৰ দহ খনৰো অধিক গাঁও । চিকিৎসা কেন্দ্ৰটোত দুগৰাকী কৰ্মচাৰী নিয়োজিত হৈ আছে যদিও মাহটোত তেওঁলোকৰ এদিনো আগমন নঘটে কেন্দ্ৰটোলৈ ।

অঞ্চলটোৰ লোক সকলে সম্প্ৰতি মৃতপ্ৰায় অৱস্থাত থকা পশু চিকিৎসা কেন্দ্ৰটো পুনৰুজ্জীৱিত কৰি তুলিবলৈ মুখ্যমন্ত্ৰী ড. হিমন্ত বিশ্ব শৰ্মাৰ নেতৃত্বাধীন নৱনিৰ্বাচিত চৰকাৰ খনক আহ্বান জনাইছে  ।