নলবাৰীত নিশাৰ পথত উন্মোচিত হ'ল অসমৰ প্ৰথমখন অনুবাদ কাব্যালোচনী 'তৰ্জমা'ৰ তৃতীয় সংখ্যা

#দ্বিজেন ডেকা,ঘগ্ৰাপাৰ:

নলবাৰীৰ পৰা প্ৰকাশিত অসমৰ প্ৰথমখন তথা একমাত্ৰ অনুবাদ কাব্যালোচনী 'তৰ্জমা'ৰ তৃতীয় সংখ্যাটো যোৱা ৫ মাৰ্চৰ নিশা পদপথত উন্মোচন কৰা হয়।ব্যতিক্ৰমী উন্মোচনী অনুষ্ঠানটোত উপস্থিত থাকে 'সাঁকো'ৰ সম্পাদক শান্তনু শৰ্মা,'আয়ুস'ৰ সম্পাদক চম্পক তালুকদাৰ,লেখক পংকজ গোৱিন্দ মেধি,কবি-সাংবাদিক মনোজ শৰ্মা,গ্ৰন্থ বন্ধোৱাআৰু কাৰু শিল্পী বজ্ৰ দাস আদি।অনুবাদ কবিতা আৰু কবিতা সম্পৰ্কীয় তৰ্জমা আলোচনীখনক কবিতাৰ অনুবাদকসকলে সাদৰেৰ গ্ৰহণ কৰিছে আৰু প্ৰকাশৰ বাবে অনুবাদ কবিতা প্ৰেৰণ কৰিছে। আলোচনীখনত প্ৰকাশিত কবিতাসমূহৰ দ্বাৰা এই কথা প্ৰতীয়মান হৈছে।

নলবাৰী জিলাত বৰ্তমান নিৰ্বাচন আৰু ৰাজনীতিৰ সমান্তৰালভাৱে চলি আছে বৌদ্ধিক চৰ্চা।কবি প্ৰণৱ কুমাৰ বৰ্মনৰ সম্পাদনাত প্ৰকাশ পাই আছে 'পষেকীয়া সেউজী-সেউজী',পুলক বৰ্মনৰ সম্পাদনাত প্ৰকাশ পাই আছে 'মাহেকীয়া সেউজী-সেউজী'।তদুপৰি প্ৰকাশ পাই আছে 'গজালি','জোনাক' আদি আলোচনী।অসমৰ বৌদ্ধিক ক্ষেত্ৰখনৰ বাবে এয়া শুভ সংবাদ হিচাপে বিবেচিত হৈছে।