মিৰ্জাৰ সাংবাদিক নিগ্ৰহৰ ঘটনাাৰ গৰিহণা কৃষক মুক্তি সংগ্ৰাম সমিতিৰ 

কামৰূপ জিলাৰ মিৰ্জাৰ সাংবাদিক মিলন মহন্তক ১৫ নৱেম্বৰত দিন-দূপৰতে এটা দুষ্ট চক্ৰই লাইট পোষ্টত বান্ধি লৈ ৰাজহুৱাভাৱে শাৰিৰীক আক্ৰমণ কৰাৰ ঘটনাক কৃষক মুক্তি সংগ্ৰাম সমিতিয়ে তীব্ৰ গৰিহণা দিয়ে। তিনিচুকীয়াৰ সাংবাদিক পৰাগ ভূঞাৰ ৰহস্যজনক দুৰ্ঘটনাজনিত মৃত্যুৰ প্ৰতিক্ৰিয়া চলি থকাৰ সময়তে একেটা সপ্তাহৰ ভিতৰতে ৰাজ্যত দ্বিতীয়টো সাংবাদিক নিগ্ৰহৰ ঘটনাই ৰাজ্যত গণতান্ত্ৰিক শক্তিটোক এটা পক্ষই যে পোনপটীয়া আক্ৰমণৰ লক্ষ্য কৰি লৈছে,এই কথা স্পষ্ট হৈ পৰিছে। দক্ষিণ কামৰূপৰ ভূ-মাফিয়া আৰু জুৱাৰী চক্ৰ এটাৰ টাৰ্গেট হৈ পৰা মিৰ্জাৰ 'অসমীয়া প্ৰতিদিন'ৰ সাংবাদিক মিলন মহন্তৰ নিগ্ৰহৰ কৃষক মুক্তি সংগ্ৰাম সমিতিয়ে উচিত তদন্তৰ দাবী জনাইছে।