ইণ্ডিয়ান জাৰ্ণেলিষ্ট এছ'চিয়েচনৰ নলবাৰী জিলা সমিতি গঠন 

দ্বিজেন ডেকা,ঘগ্ৰাপাৰ,১৫ নৱেম্বৰঃ

নলবাৰী চহৰৰ মাজমজিয়াত অৱস্থিত নলবাৰী ছোৱালীহাই স্কুলত আজি নলবাৰীৰ বহু জ্যেষ্ঠ আৰু নবীন সাংবাদিকৰ উপস্থিতিত এখন সভা অনুষ্ঠিত হৈ যায়।এই সভাতেই ইণ্ডিয়ান জাৰ্ণেলিষ্ট এছ'চিয়েচনৰ নলবাৰী জিলা সমিতি গঠন কৰা হয়।জ্যেষ্ঠ সাংবাদিক ওৱাহিদুজ জামানক সভাপতি,চন্দন কুমাৰ শৰ্মাক সাধাৰণ সম্পাদক,নগেন তালুকদাৰ,আলতাব হুছেইন,লক্ষেশ্বৰ শৰ্মাক উপ-সভাপতি,দ্বীজেন ডেকা,ৰূপম দাস,ৰমেন কুমাৰক সহকাৰী সম্পাদক হিচাপে লৈ এখন ১৫ জনীয়া কাৰ্যকৰী সমিতি গঠন কৰা হয়।সাংবাদিকেৰে হোৱা সাক্ষাৎকাৰত ইণ্ডিয়ান জাৰ্ণেলিষ্ট এছ'চিয়েচনৰ নলবাৰী জিলা সমিতিৰ নৱনিৰ্বাচিত সভাপতি ওৱাহিদুজ জামানে কয়- "সাংবাদিকৰ নিৰাপত্তা,সাংবাদিকৰ জীৱিকা, সাংবাদিকৰ সকলো সমস্যাতেই ইণ্ডিয়ান জাৰ্ণেলিষ্ট এছ'চিয়েনে অগ্ৰণী ভূমিকা পালন কৰিব।আজিৰ এই অনুষ্ঠানত নলবাৰী জিলা প্ৰেছ ক্লাবৰ যুটীয়া সম্পাদক,জ্যেষ্ঠ সাংবাদিক এম মহিবৰ ৰহমান উপস্থিত থাকি শুভেচ্ছা আগবঢ়াই ইণ্ডিয়ান জাৰ্ণেলিষ্ট এছ'চিয়েচনৰ দীৰ্ঘায়ু কামনা কৰে।