হাজোৰ বৰছলি হাটখোলা হাইস্কুলত কৃতী ছাত্ৰ-ছাত্ৰীক অভিনন্দন  

হাজোৰ পৰা কমলাকান্ত দাস:

হাজো বিধানসভা সমষ্টিৰ অন্তৰ্গত বৰছলি হাটখোলা উচ্চ মাধ্যমিক বিদ্যালয়ত ১৩ নৱেম্বৰত অনুস্থিত হৈ যায় এক অভিনন্দন অনুস্থান।বিশিষ্ট শিক্ষাবিদ ছাহাদত আলীৰ পৌৰোহিত্বত অনুষ্ঠিত এক সভাত 'নিট' পৰীক্ষাত উত্তীৰ্ণ আব্দুল লতিফক ফুলাম গামোচা,শৰাই,মানপত্ৰৰে বিপুলভাৱে অভিনন্দন জনোৱাৰ লগতে বিদ্যালয় পৰিচালনা কমিটীৰ সভাপতি তথা গুৱাহাটী উচ্চ ন্যায়ালয়ৰ অধিবক্তা কোৰবান আলীয়ে শকত ধনৰ টোপোলা আগবঢ়ায়।এই অনুস্থানতে অইন কেইবাগৰাকী কৃতী ছাত্ৰ-ছাত্ৰীক অভিনন্দন জনায়। বিদ্যালয়ৰ সহকাৰী শিক্ষক বাবুল হুছেইনে আঁঁত ধৰা অনুস্থানত বৰছলি হাটখোলা উচ্চ মাধ্যমিক বিদ্যালয়ৰ প্ৰধান শিক্ষক চানমহম্মদ আলী, অৱসৰপ্ৰাপ্ত শিক্ষক আলহাজ বাহাৰুল ইছলাম,আলহাজ মতিউৰ ৰহমান, বৰছলি ছোৱালী এম ই মাদ্ৰাছাৰ প্ৰধান শিক্ষক আব্দুল কাদেৰ,পৰিবহন নিগমৰ অৱসৰপ্ৰাপ্ত অধীক্ষক গিয়াছুদ্দিন আহমেদ,হস্ততাঁঁত বিভাগৰ পৰিদৰ্শক ফৰহাদ আলী আহমেদ, বিশিষ্ট নাগৰিক আবুল কালাম, নগেন ডেকা গাওঁ পঞ্চায়তৰ আঞ্চলিক সদস্যা ছাবানা পাৰবিন, প্ৰাক্তন আঞ্চলিক সদস্য আতাউৰ ৰহমান, বিদ্যালয় পৰিচালনা কমিটিৰ উপ সভাপতি নুৰ ইছলামকে ধৰি অঞ্চলটোৰ একাংশ বিশিষ্ট লোক উপস্থিত থাকে।