সদৌ নলবাৰী ছাত্ৰ সন্থাৰ বালিকৰীয়া অধিৱেশন সম্পন্ন

*সভাপতি-সাধাৰণ সম্পাদক পদত পুনৰ গুণজ‍্যোতি পাঠক আৰু অক্ষয় ডেকা নিৰ্বাচিত*

দ্বিজেন ডেকা,ঘগ্ৰাপাৰ: 

সদৌ নলবাৰী জিলা ছাত্ৰ সন্থাৰ বিংশতিতম বালিকৰীয়া অধিৱেশনখন যোৱা ১২ নৱেম্বৰত নলবাৰী আঞ্চলিক ছাত্ৰ সন্থা আৰু বালিকৰীয়াবাসীৰ সহযোগত দিনযোৰা কাৰ্য্যসূচীৰে বালিকৰীয়া বাসুদেৱ দেৱালয় প্ৰাংগনত অনুষ্ঠিত  হৈ যায়।সেই দিনা পুৱা সদৌ অসম ছাত্ৰ সন্থাৰ পতাকা উত্তোলন কৰে  সদৌ নলবাৰী জিলা ছাত্ৰ সন্থাৰ সভাপতি  গুণজ্যোতি পাঠকে।শ্বহীদ তৰ্পণ আৰু মাল্যাৰ্পণ কৰে সদৌ নলবাৰী জিলা ছাত্ৰ সন্থাৰ সাধাৰণ সম্পাদক অক্ষয় ডেকা আৰু অভ্যৰ্থনা সমিতিৰ সভাপতি প্ৰমোদ বৰ্মনে।ইয়াৰ পিছত গছপুুুুুলি ৰোপন,প্ৰতিনিধি সভা গৃহ উন্মোচন কৰা হয়।আবেলি অনুষ্ঠিত হয় প্ৰতিনিধি সভা।সমবেত সংগীতৰে আৰম্ভ হোৱা প্ৰতিনিধি সভাখনত  সভাপতিত্ব কৰে সদৌ নলবাৰী জিলা ছাত্র সন্থাৰ সভাপতি গুণজ্যোতি পাঠকে।সভাৰ উদ্দেশ্য ব্যাখ্যা আৰু সম্পাদকীয় প্ৰতিবেদন পাঠ কৰে সাধাৰণ সম্পাদক অক্ষয় ডেকাই।আদৰণী  ভাষণ দিয়ে অভ্যৰ্থনা সমিতিৰ মুুখ্য সম্পাদক ৰুবুল বৰ্মন।প্ৰতিনিধি সভা উদ্বোধন কৰে সদৌ অসম ছাত্ৰ সন্থাৰ সাংগঠনিক সম্পাদক হিমান বৰ্মনে।

প্ৰতিনিধি সভাখনত সদৌ অসম ছাত্ৰ সন্থাৰ মুখ্য উপদেষ্টা সমুজ্জ্বল কুুুমাৰ ভট্টাচাৰ্য,সভাপতি দীপাংক কুমাৰ নাথ ,উপ-সভাপতি প্ৰদীপ দাস,তথ্য আৰু কাৰ্যালয় সম্পাদক ধৰ্মেশ্বৰ দাস,ক্ৰীড়া সম্পাদক  পূৰ্ণ ডেকা,কাৰ্য্যনিৰ্বাহক সদস্য ভৱজিত বেজবৰুৱা,উৎপল শৰ্মা  উপস্থিত থাকি শৈক্ষিক ,সামাজিক ,  সাংস্কৃতিক,অৰ্থনেতিক সমস্যাৰ লগতে সাংগঠনিক দিশ সন্দৰ্ভত ভাষণ প্ৰদান কৰে। সন্ধিয়া শ্বহীদ শ্ৰদ্ধাঞ্জলী অনুষ্ঠানত শ্বহীদ পৰিয়ালৰ লগতে প্ৰাক্তন ছাত্র নেতা,সাংবাদিক,সাহিত্যিককে ধৰি বিভিন্নজন ব্যক্তি উপস্থিত থাকে।

ইয়াৰ পিছতে পুৱতি নিশালৈ অনুষ্ঠিত হোৱা বিষয়বাচনি সভাত  ৰাজ্যিক কমিটীলৈ ভৱজিত বেজবৰুৱা  আৰু ৰিয়াজউদ্দিন আহমেদক  কাৰ্যনিৰ্বাহক হিচাপে প্ৰেৰণ কৰে।গুণজ্যোতি পাঠকক পুনৰ সভাপতি আৰু অক্ষয় ডেকাক পুনৰ সাধাৰণ সম্পাদক হিচাপে লৈ  সদৌ নলবাৰী জিলা ছাত্ৰ সন্থাৰ এখন শক্তিশালী সমিতি গঠন কৰা হয়।