নটসূৰ্য্য বঁটা প্ৰাপক জীৱেশ্বৰ ডেকাক স্মৰণ 

দ্বিজেন ডেকা,ঘগ্ৰাপাৰ: 

নাট্য জগতৰ মহীৰূহ তথা যশস্বী অভিনেতা নটসূৰ্য ফণী শৰ্মা বঁটা প্ৰাপক জীৱেশ্বৰ ডেকালৈ শুকুৰবাৰে ৰাজহুৱা শ্ৰদ্ধাঞ্জলি নিবেদন কৰা হয়।মঞ্চ জগতৰ বলিষ্ঠ অভিনেতা,'দধিছী' খ্যাত জীৱেশ্বৰ ডেকাক ৰাজহুৱা শ্ৰদ্ধাঞ্জলি দিয়াৰ বাবে পশ্চিম নলবাৰী আঞ্চলিক ছাত্ৰ সন্থাৰ উদ্যোগত বেলশৰ গাঁও পঞ্চায়তৰ বাকৰিত অনুষ্ঠিত বিশেষ অনুষ্ঠানত জীৱেশ্বৰ ডেকাৰ প্ৰতিচ্ছবিত বন্তি প্ৰজ্বলন কৰে জীৱেশ্বৰ ডেকাৰ সহধৰ্মিনী কুসুম ডেকাই  মাল্যাৰ্পন কৰে শিল্পী পেন্সনাৰ উমেশ দত্তই।শ্ৰদ্ধাঞ্জলি  অনুষ্ঠান মুকলি কৰে অসম সাংবাদিক সন্থাৰ সাধাৰণ সম্পাদক নকুল তালুকদাৰে আৰু সাংবাদিক তপন শৰ্মাই।ইয়াৰ পিছতে প্ৰতিচ্ছবিত পুস্পাঞ্জলি দি শ্ৰদ্ধা নিবেদন কৰে সাংবাদিক অৰূপ ৰঞ্জন বৰ্মন,ছাত্ৰ নেতা হিমান বৰ্মন,ভৱজিত বেজবৰুৱা, অক্ষয় ডেকা, বিশিষ্ট অভিনেতা দ্বীবন আৰ্য, বেলশৰ শাখা সাহিত্য সভাৰ সভাপতি লক্ষ্মী পাটোৱাৰী, সাংবাদিক ৰাজেন বৈশ্য আদিকে ধৰি বহুকেইজন বিশিষ্ট ব্যক্তিয়ে।শতাধিক লোক উপস্থিত থকা অনুষ্ঠানত উমেশ দত্তই জীৱেশ্বৰ ডেকাৰ জীৱন আৰু অভিনয় শৈলী সম্পৰ্কে বক্তৃতা প্ৰদান কৰে।লগতে,অভিনেতা দ্বীবন আৰ্য,লক্ষ্মী পাটোৱাৰী আদি কেইবাজনো লোকে ভাষণ প্ৰদান কৰে।