নলবাৰীত প্ৰাক্তন মুখ্যমন্ত্ৰী প্ৰফুল্ল কুমাৰ মহন্ত:কোনো দলৰ সৈতে মিত্ৰতা নকৰাৰ ভাষ্য প্ৰদান 

দ্বিজেন ডেকা,ঘগ্ৰাপাৰ:

নলবাৰীত মঙলবাৰে সন্ধিয়া উপস্থিত হয় প্ৰাক্তন মুখ্যমন্ত্ৰী তথা অগপ নেতা প্ৰফুল্ল কুমাৰ মহন্ত।আঞ্চলিকতাবাদী নেতা তথা অসম গণ পৰিষদৰ জ্যেষ্ঠ নেতা সদ্য প্ৰয়াত অকণ মল্ল বৰুৱাৰ ঘৰত প্ৰফুল্ল কুমাৰ মহন্ত উপস্থিত হৈ গভীৰ শোক প্ৰকাশ কৰাৰ লগতে পৰিয়ালবৰ্গক সমবেদনা জ্ঞাপন কৰে।আনহাতে,অগপ দলৰ মাজত হৈ থকা সংঘাতৰ পৰিপ্ৰেক্ষিতত নেতাগৰাকীৰ নেতৃত্বত নতুনকৈ দল গঠন হোৱাৰ সম্ভাৱনা আছে নেকি তথা অতুল বৰা অগপৰ সভাপতি হোৱা সন্দৰ্ভত সংবাদিকে সোধা প্ৰশ্নৰ উত্তৰত প্ৰফুল্ল কুমাৰ মহন্তই No comment বুলি প্ৰকাশ কৰে।তদুপৰি,বিজেপি দলৰ সৈতে মিত্ৰতাত থকা সন্দৰ্ভত প্ৰফুল্ল কুমাৰ মহন্তই কোনো দলৰ লগতেই মিত্ৰতা নকৰে বুলি সংবাদ মাধ্যমৰ আগত সদৰি কৰে ।