সোণকুৰিহাত ছাত্র সন্থাৰ নতুন সমিতি গঠন 

দ্বিজেন ডেকা,ঘগ্ৰাপাৰ:

সদৌ নলবাৰী জিলা ছাত্র সন্থাৰ অন্তৰ্গত আল্লিয়া আঞ্চলিক ছাত্র সন্থাৰ সোণকুৰিহা শাখা সমিতিখন সোমবাৰে নতুনকৈ গঠন কৰা হয়।অসমজ্যোতি বিদ্যাপীঠ এম ই স্কুলত অনুষ্ঠিত সভাত সভাপতিত্ব কৰে আল্লিয়া আঞ্চলিক ছাত্র সন্থাৰ সভাপতি অৰ্জুন দাসে।সোণকুৰিহা শাখা ছাত্র সন্থাৰ সভাপতি চামিউল হকে পুৰণি সমিতিৰ হৈ পদত্যাগ কৰা সভাখনত ইদ্রিছ আলিক সভাপতি আৰু ত্রিদীৱ দাসক সম্পাদক হিচাপে দায়িত্ব দি ১৫ জনীয়া এখন নতুন সমিতি গঠন কৰা হয়।

উক্ত সভাত সদৌ নলবাৰী জিলা ছাত্র সন্থাৰ উপ-সভাপতি উৎপল কলিতা,কল্প ৰাজবংশী,সাংগঠনিক সম্পাদক মিলন দাস উপস্থিত থাকি আছুৰ নীতি-আদৰ্শ সন্দৰ্ভত বক্তব্য প্ৰদান কৰে।উল্লেখ যে সভাখন চৰকাৰৰ স্বাস্থ্য বিধি মানি অনুষ্ঠিত কৰা হয়।