বশিষ্ঠ আৰক্ষী থানাৰ উপ-পৰিদৰ্শক দীপজ্যোতি ইংতি ক'ৰ'নাত আক্রান্ত

*অসম আৰক্ষীত মুঠ ৭২৬ জন বিষয়া-জোৱান আক্রান্ত* 

গুৱাহাটীৰ বশিষ্ঠ আৰক্ষী থানাৰ উপ- পৰিদৰ্শক দীপজ্যোতি ইংতি আক্ৰান্ত হৈছে ক'ৰ'না ভাইৰাছত।

বৃহস্পতিবাৰে কিছু পৰিমানে অসুস্থ হৈ পৰা  উপ-পৰিদৰ্শকগৰকীয়ে সৰুসজাই ষ্টেডিয়ামত এন্টিজেন টেষ্ট কৰিছিল।তাতে বিষয়াগৰাকীৰ দেহত ক'ৰ'নাৰ উপস্থিতি ধৰা পৰে।ইফালে, বিষয়াগৰাকী আক্রান্ত হোৱাৰ পিছতে তেওঁৰ পত্নীও আক্ৰান্ত হৈছে ক'ৰ'নাত।

সোণাপুৰ অসামৰিক চিকিৎসালয়ত বিষয়াগৰাকীক ভৰ্তি কৰোৱা হৈছে।বৃহস্পতিবাৰলৈ তেওঁৰ সংস্পৰ্শলৈ অহা লোকসকলৰ শুকুৰবাৰে নমুনা সংগ্ৰহ সংগ্ৰহ কৰা হৈছে।

উল্লেখ যে অসম আৰক্ষীত মুঠ ৭২৬জন বিষয়া জোৱান আক্রান্ত হৈছে ক'ৰ'নাত।তাৰে ৩৫০জন সুস্থ হোৱাৰ বিপৰীতে এগৰাকী আৰক্ষীৰ জোৱানৰ মৃত্যু হৈছে।গুৱাহাটীত সৰ্বাধিক আৰক্ষীৰ বিষয়া-জোৱান আক্রান্ত হৈছে ক'ৰ'নাত।