কমাৰবন্ধা ছানি ক্লাবৰ উদ্যোগত চলন্ত ট্ৰফী আৰু প্ৰাইজমাণি ক্ৰিকেট প্ৰতিযোগিতা আৰম্ভ

গোলাঘাটৰ পৰা মীনাক্ষি ফুকন:

গোলাঘাটৰ ক্ৰীড়া আৰু বৌদ্ধিক ক্ষেত্ৰখনৰ  অগ্ৰণী অনুষ্ঠান ছানি ক্লাব আৰু পুথিভঁৰালৰ গৌৰৱময় ৰূপালী জয়ন্তী বৰ্ষত পৰ্দাপণ কৰিছে।ৰূপালী জয়ন্তী বৰ্ষ উপলক্ষে কমাৰবন্ধা মহাবিদ্যালয় খেলপথাৰত দেওবাৰৰ পৰা আৰম্ভ হৈছে ছানি ক্ৰিকেট দলৰ প্ৰতিষ্ঠাপক প্ৰয়াত ৰাজেন বৰা,পলাশ শইকীয়া আৰু বিকাশ বৰা সোঁৱৰণী চলন্ত ট্ৰফী,প্ৰাইজমাণি ক্ৰিকেট প্ৰতিযোগিতা।গোলাঘাট বাণিজ্য মহাবিদ্যালয় আৰু কাকডোঙা বাঘবৰ ক্লাবৰ প্ৰথমখন খেলেৰে আৰম্ভ হোৱা প্ৰতিযোগিতাখনি উদ্বোধন কৰে প্ৰবীণ সাংবাদিক,অসম সাহিত্য সভাৰ কেন্দ্ৰীয় সাংগঠনিক সম্পাদক দিগন্ত কুমাৰ ভূঞাই।

ক্লাবৰ সম্পাদক বিদ্যুৎ বিকাশ বৰাই আঁত ধৰা উদ্বোধনী অনুষ্ঠানত কমাৰবন্ধা মহাবিদ্যালয়ৰ প্ৰাক্তন অধ্যক্ষ পূৰ্ণকান্ত বৰা,মহাবিদ্যালয়ৰ বৰ্তমানৰ অধ্যক্ষ অতুল শইকীয়া,কমাৰবন্ধা কনিষ্ঠ মহাবিদ্যায়ৰ অধ্যক্ষ জ্যোতিলক্ষ্মী চুতীয়া,ক্লাবৰ সভাপতি সোমেশ্বৰ শইকীয়া আদিয়ে বিশিষ্ট অতিথিৰূপে অংশগ্ৰহণ কৰে । ৰূপালী জয়ন্তী বৰ্ষ উপলক্ষে ২৫ খন পতাকা উত্তোলন কৰা হয়।পুৱা স্মৃতি তৰ্পণ কৰে কমাৰবন্ধা মহাবিদ্যালয়ৰ অধ্যক্ষ পৱিত্ৰ দুৱৰাই।বন্তি প্ৰজ্বলন কৰে চুচেন বৰাই ।মাল্যাৰ্পণ কাৰ্যসূচী সম্পন্ন কৰে চন্দ্ৰ বৰা,সুভাষ ৰাজখোৱা,চন্দনজ্যোতি তামুলী আৰু বিনয় বৰাই ।