১২ নৱেম্বৰত মুকলি হ'ব মাজুলীৰ জেংৰাইমুখ আদৰ্শ চিকিৎসালয়

'নিউজ এএছএন' প্ৰতিবেদক,মাজুলী:

মাজুলীৰ বহু প্ৰত্যাশিত জেংৰাইমুখ আদৰ্শ চিকিৎসালয়খন অহা ১২ নৱেম্বৰত ৰাইজৰ সেৱাত মুকলি কৰাৰ বাবে সকলো প্ৰস্তুতি সম্পূৰ্ণ কৰি তুলিছে ৰাজ্যৰ স্বাস্থ্য বিভাগে।মাজুলী জিলা প্ৰশাসনে জনোৱামতে সেইদিনা পুৱাৰ ভাগত মাজুলীৰ স্থানীয়          বিধায়ক তথা ৰাজ্যৰ মুখ্যমন্ত্ৰী সৰ্বানন্দ সোণোৱালে আনুষ্ঠানিকভাৱে  হাস্পতালখন     মুকলি কৰিব।অনুষ্ঠানটোৰ বাবে বৰ্তমান যাৱতীয় প্ৰস্তুতি চলাইছে স্বাস্থ্য বিভাগে।জেংৰাইমুখ আদৰ্শ হাস্পতালখন মুকলি হ'লে উজনি মাজুলীৰ আঠখন গাঁও পঞ্চায়তৰ লগতে ঢকুৱাখনা আৰু লখিমপুৰ জিলাৰ প্ৰায় দুই কুৰি গাঁৱৰ লোক উপকৃত  হ'ব।