পুলৱামা প্ৰসংগত পাকিস্তানৰ সংগ এৰি ভাৰতৰ পক্ষত চীন

পুলৱামাৰ ঘটনাক লৈ চীনৰ স্থিতি সলনি। এইবাৰ পাকিস্তানৰ সংগ এৰি চীনে লৈছে ভাৰতৰ পক্ষ। উল্লেখ্য যে পুলৱামাৰ সন্ত্ৰাসবাদী আক্ৰমণৰ ঘটনাত জঈছ-ই-মহম্মদক জগৰীয়া কৰি ৰাষ্ট্ৰসংঘৰ সুৰক্ষা পৰিষদে গৰিহণা প্ৰদান কৰি প্ৰকাশ কৰিছিল বিবৃতি৷ এই বিবৃতিত সমৰ্থন জনাইছে চীনে।

এই ক্ষেত্ৰত ভাৰতে উত্থাপন কৰা প্ৰস্তাৱত ইউ এন এছ চিৰ ৫খন স্থায়ী সদস্য ৰাষ্ট্ৰ আৰু ১০খন অস্থায়ী সদস্য ৰাষ্ট্ৰই সন্ত্ৰাসবাদী আক্ৰমণৰ ঘটনাক তীব্ৰ গৰিহণা দিয়ে৷ ইয়াৰ ভিতৰত চীনো এখন। লগতে ইউ এন এছ চিয়ে পুলৱামাৰ সন্ত্ৰাসবাদী আক্ৰমণক জঘন্য আখ্যা দিয়ে। আনহাতে, ঘটনাত জড়িত দোষীয়ে উচিত শাস্তি লাভ কৰাৰো পোষকতা কৰে সুৰক্ষা পৰিষদে।