ছিউল শান্তি বঁটাৰে বিভূষিত প্ৰধান মন্ত্ৰী নৰেন্দ্ৰ মোডী

প্ৰধানমন্ত্ৰী নৰেন্দ্ৰ মোডীক আজি প্ৰদান কৰা হয় 'ছিউল শান্তি বঁটা'৷ প্ৰধানমন্ত্ৰী মোডীৰ দক্ষিণ কোৰিয়া ভ্ৰমণকালত ছিউলত তেওঁক এই বঁটা প্ৰদান কৰা হয়৷ ১৯৯০ চনৰ পৰা প্ৰদান কৰি অহা এই বঁটা বিগত বৰ্ষসমূহত ৰাষ্ট্ৰসংঘৰ ভূতপূৰ্ব সচিব প্ৰধান কফি আন্নান, জাৰ্মান চেন্সেলৰ এঞ্জেলা মাৰ্কেল আদি বিশিষ্ট ব্যক্তিক প্ৰদান কৰা হৈছে৷ এই বঁটা লাভ কৰা প্ৰথম ভাৰতীয় ব্যক্তি প্ৰধানমন্ত্ৰী নৰেন্দ্ৰ মোডী৷ বঁটা লাভ কৰা সন্দৰ্ভত প্ৰধানমন্ত্ৰী মোডীয়ে কয় যে তেওঁ এই বঁটা ভাৰতীয় জনতাৰ প্ৰতি দক্ষিণ কোৰিয়াৰ জনতাৰ থকা শুভেচ্ছাৰ প্ৰতীক হিচাপে গ্ৰহণ কৰিছে৷