ছিনিয়ৰ ৰাষ্ট্ৰীয় বেডমিণ্টনৰ ফাইনেলত লক্ষ্য সেন

গুৱাহাটীত অনুষ্ঠিত ৮৩সংখ্যক ছিনিয়ৰ নেচনেল বেডমিণ্টন চেম্পিয়নশ্বিপত লক্ষ্য সেনে পি কাশ্যপক পৰাজিত কৰি দ্বিতীয়বাৰৰ বাবে ফাইনেলত স্হান নিশ্চিত কৰে। ১৭ বছৰীয়া লক্ষ্য সেনে পি কাশ্যপক  ২১-১৫, ২১-১৬ পোনপটীয়া ছেটত পৰাস্ত কৰে।

ফাইনেলত লক্ষ্য সেন সন্মূখীন হ'ব দুবাৰকৈ ৰাষ্ট্ৰীয় চেম্পিয়ন সৌৰভ বাৰ্মাৰ। উল্লেখ্য যে লক্ষ্য সেনে প্ৰথমবাৰ ২০১৬ৰ ছিনিয়ৰ নেচনেল বেডমিণ্টন চেম্পিয়নশ্বিপত সুন্দৰ প্ৰদৰ্শন আগবঢ়াইছিল।