আজি গুৱাহাটী প্ৰেছ ক্লাবত এখন ব্যতিক্ৰমী গ্ৰন্থ "বিজয়ী সুপ্ৰিয়া" উন্মোচন কৰা হয় । এগৰাকী ৰাষ্টীয় বঁটাপ্ৰাপ্ত দিব্যাঙ্গ শিল্পীৰ জীৱন গাথাৰে প্ৰকাশ কৰা হৈছে এই গ্ৰন্থখন ।
২৪ বছৰীয়া দিব্যাংগ শিল্পী তথা ৰাষ্ট্ৰীয় বঁটাপ্ৰাপ্ত সুপ্ৰিয়া সুধা খাউণ্ডৰ জীৱন সমৃদ্ধিৰে ৪৯গৰাকী ব্যক্তিয়ে লিখা গ্ৰন্থখন প্ৰকাশ কৰি উলিয়াইছে পিতৃ দুলু কুমাৰ খাউণ্ড আৰু মাতৃ কল্পনা শইকীয়া খাউণ্ডে ।
সকলো দিব্যাংগ পিতৃ-মাতৃৰ নামত উচৰ্গা কৰা গ্ৰন্থখন উন্মোচন কৰে ডঃ অখিলৰঞ্জন দত্ত, সাংবাদিক সঞ্জীৱ বৰা, নিবন্ধকাৰ মনমৰমী মহন্তই । গ্ৰন্থখন উন্মোচন কৰাৰ আগমুহূৰ্তত সুপ্ৰিয়াৰ পিতৃয়ে তাইক আজি এই পৰ্যায়ত উপনীত কৰাবলৈ সমাজৰ এচাম ব্যক্তি পৰা কেনেদৰে মানসিকভাৱে তীব্ৰ প্ৰত্যাহ্বানৰ মুখামুখী হৈ আহিছে তাৰ এটা থুল-মূল বিৱৰণ দিয়ে ।
এই গ্ৰন্থখন দিব্যাংগ পিতৃ-মাতৃসকলৰ বাবে তেওঁ আগবঢ়োৱাৰ কাৰণ হিচাপে তেওঁ কয় যাতে নিজৰ দিব্যাংগ সন্তানটোক লৈ সেই পিতৃ-মাতৃসকল কেতিয়াও মানসিকভাৱে হতাশ হ'ব লগা নহয় তাৰ স্বাৰ্থতে তেওঁ এই গ্ৰন্থখন এইসকল পিতৃ-মাতৃৰ নামত উচৰ্গা কৰা বুলি জানিবলৈ দিয়ে ।
- Log in to post comments
- 19 views
