ক'ৰ'নাত ক্ষতিগ্ৰস্ত ৰাজ্যৰ শিল্পী-সাহিত্যক, কলা-কুশলী:আৰ্থিক সাহায্য প্ৰদানৰ দাবী গণনাট্য সংঘৰ অসম ৰাজ্যিক সমিতিৰ

ক'ৰ'না ভাইৰাছ সংক্ৰমণ ৰোধৰ বাবে ঘোষণা হোৱা লকডাউনে ক্ষতিগ্ৰস্ত কৰিছে ৰাজ্যৰ শিল্পী-সাহিত্যিক,কলা-কুশলীসকলক।বিগত প্ৰায় তিনিমাহ ধৰি উপাৰ্জন বন্ধ হৈ থকা শিল্পী-সাহিত্যিক,কলা-কুশলীসকলক আৰ্থিক সাহায্য প্ৰদান আৰু সুস্থ সাংস্কৃতিক আঁচনি ৰূপায়ণ কৰাৰ দাবীৰে গণনাট্য সংঘৰ অসম ৰাজ্যিক সমিতিয়ে 
দাবী উত্থাপন কাৰ্যসূচী ৰূপায়ণ কৰে।ৰাজ্যৰ প্ৰতিখন জিলাতে ৰূপায়ণ কৰা হয় এই কাৰ্যসূচী।

গুৱাহাটী মহানগৰীৰ দীঘলীপুখুৰীৰ পাৰত সামাজিক দূৰত্ব মানি ৰাজ্যিক সমিতিয়ে সাব্যস্ত কৰে প্ৰতিবাদ।হাতে হাতে প্লে'কাৰ্ড লৈ,গীত গাই সাব্যস্ত কৰে প্ৰতিবাদ।

ইফালে,গোলাঘাট জিলা সমিতিয়েও গোলাঘাটত দাবী উত্থাপন কাৰ্যসূচী ৰূপায়ণ কৰে।