নিচাযুক্ত টেবলেটসহ দুই সৰবৰাহকাৰীক পল্টন বজাৰত আটক ৰে'ল আৰক্ষীৰ

গুৱাহাটী ৰে'ল আৰক্ষীৰ হাতত কৰায়ত্ত নিচাযুক্ত দ্ৰব্য সৰবৰাহকাৰী ৷

আজি পুৱা ১০.৩০ বজাত উজনিমুৱা শৰাইঘাট এক্সপ্ৰেছযোগে কলকাতাৰ পৰা আহি পল্টন বজাৰৰ ২নং প্লেটফৰ্মত নামিছিল দুই সৰবৰাহকাৰী ৷

সৰবৰাহকাৰী দুটা হ'ল মণিপুৰৰ ৰেহেনা খুলাকপাম (৩০) আৰু মুকালমুৱা নলবাৰীৰ বাবুল আলী (২২) ৷

তিনিটা বেগত মুঠ ১,০২,০০০টা এছ পি এম-পি আৰ এক্স কেপছুল আৰু ৭,৫০০টা নাইট্ৰাজিপাম টেবলেট কঢ়িয়াই আনিছিল দুয়োৱে ৷

অধিক তথ্যৰ বাবে দুয়োকে জেৰা অব্যাহত ৰাখিছে ৰে'ল আৰক্ষীয়ে ৷