২০২১ বর্ষত মেট্ৰিক দিব লগা ৰাজ্যৰ শিক্ষাৰ্থীক কেনেদৰে সকাহ দিলে 'ছেবা'ই?

২০২১বৰ্ষত হাইস্কুল শিক্ষান্ত পৰীক্ষাত অৱতীৰ্ণ হ'ব লগা ৰাজ্যৰ শিক্ষাৰ্থীলৈ 'ছেবা'ৰ সকাহ।অসম মাধ্যমিক শিক্ষা সংসদ,'ছেবা'  কৰ্তৃপক্ষই গ্ৰহণ কৰিছে গুৰুত্বপূৰ্ণ সিদ্ধান্ত।১০০ শতাংশ ছিলেবাছ পঢ়িব নালাগিব ছাত্ৰ-ছাত্ৰীয়ে।

'ছেবা'ৰ অধ্যক্ষ আৰ চি জৈনে কয়-"৭০ শতাংশ ছিলেবাছ পঢ়িলেই হ'ব ছাত্ৰ-ছাত্ৰীয়ে।অৰ্থাৎ ৩০ শতাংশ ছিলেবাছ কৰ্তন কৰাৰ সিদ্ধান্ত গ্ৰহণ কৰিছে কৰ্তৃপক্ষই।"

মঙলবাৰে বিদ্যালয়সমূহলৈ পিডিএফৰ জৰিয়তে ছিলেবাছ প্ৰেৰণ কৰা হ'ব।বৰ্তমান 'ছেবা'ৰ ৱেবচাইটত ছিলেবাছ উপলব্ধ হৈছে বুলিও তেওঁ লগতে কয়।

নৱম শ্রেণীৰ ছাত্ৰ-ছাত্ৰীৰো ৩০ শতাংশ ছিলেবাছ কৰ্তন কৰিছে ছেবাই।

উল্লেখ যে বিগত মাৰ্চ মাহৰ পৰা ক'ৰ'না ভাইৰাছৰ সংক্ৰমণৰ বাবে বন্ধ হৈ আছে বিদ্যালয়।