বিজেপিত যোগদান কণ্ঠশিল্পী বিদ্যাসাগৰ আৰু অভিনেত্ৰী আশা বৰদলৈৰ

ভাৰতীয় জনতা পাৰ্টীত মঙলবাৰে আনুষ্ঠানিকভাৱে যোগদান কৰিলে কণ্ঠশিল্পী বিদ্যাসাগৰ আৰু অভিনেত্ৰী আশা বৰদলৈয়ে।হেঙেৰাবাৰীৰ ৰাজ্যিক কাৰ্যালয়ত দলৰ সভাপতি ৰঞ্জিত দাসৰ উপস্থিতিত পৰিধান কৰে গেৰুৱা বসন।উল্লেখ যে নাগৰিকত্ব সংশোধনী আইন-২০১৯ চমুকৈ 'কা' বিৰোধী আন্দোলনত সক্ৰিয়ভাৱে জড়িত আছিল মোহময়ী অভিনেত্ৰী আশা বৰদলৈ।

আগন্তক '২১ৰ বিধানসভা নিৰ্বাচনৰ প্ৰতি লক্ষ্য ৰাখি আজিৰে পৰা বিজেপিত যোগদান কাৰ্যসূচী আৰম্ভ কৰা বুলি অনুষ্ঠানত কয় সভাপতি ৰঞ্জিত দাসে।

যোগদান কাৰ্যসূচীত উপস্থিত থাকে সাংসদ তপন গগৈ প্ৰমুখ্যে বিজেপিৰ বহুকেইজন জ্যেষ্ঠ নেতা।