বিজেপিত পুনৰ যোগদান কৰিব নেকি অভিনেতা যতীন বৰাই,বিয়লি ৩.১৫ বজাত কৰিব বৃহৎ ঘোষণা

নাগৰিকত্ব সংশোধনী আইন-২০১৯ চমুকৈ 'কা' বিৰোধ কৰি বিজেপি ত্যাগ কৰা অভিনেতা যতীন বৰা আকৌ বিজেপিলৈ ঘূৰি যাব নেকি!তাকে লৈ ৰাইজৰ মনত সৃষ্টি হৈ থকা প্ৰশ্নটোৰ অৱসান হোৱাৰ পথত।অভিনেতাগৰাকীয়ে আজি বিয়লি ৩.১৫ বজাত সংবাদমেলৰ জড়িয়তে বিজেপিলৈ পুনৰ উভতি যাব নাই সেই সন্দৰ্ভত কৰিব বৃহৎ ঘোষণা।গুৱাহাটীত সম্বোধন কৰিব অভিনেতাগৰাকীয়ে বিশেষ সংবাদমেল খন।

উল্লেখ যে যোৱা ১২ ডিচেম্বৰত 'কা' বিৰোধিতা কৰি লতাশিলৰ 'জনতাৰ গণ গর্জন' শীর্ষক কাৰ্যসূচীত পত্নীৰ সৈতে অংশগ্ৰহণ কৰিছিল।উক্ত দিনাই 'আছু' কাৰ্যালয়ত সংবাদমেল সম্বোধন কৰি বিজেপি ত্যাগ কৰাৰ কথা আনুষ্ঠানিকভাৱে ঘোষণা কৰিছিল।

আনহাতে,'কা' আন্দোলন ক্ৰমাৎ হ্ৰাস পোৱাৰ পিছতে অভিনেতা বৰাই পুনৰ বিজেপিত যোগদান কৰিব বুলি বিভিন্ন মাধ্যমত খবৰ ওলাইছিল।তাতে কিছুদিন পূৰ্বে বিজেপিৰ ৰাজ্যিক সভাপতি ৰঞ্জিত দাসে সংবাদমেল সম্বোধন কৰি বৰাই পুনৰ বিজেপিলৈ ঘুৰি আহিব নাই তাক ঘোষণা কৰিব বুলিও মন্তব্য প্ৰকাশ কৰিছিল।