মুখ্যমন্ত্ৰী সৰ্বানন্দ সোণোৱালৰ বাসগৃহত সপত্নীক শিল্পী জুবিন গাৰ্গ

মুখ্যমন্ত্ৰী সৰ্বানন্দ সোণোৱালৰ বাসগৃহত শিল্পী জুবিন গাৰ্গ।শনিবাৰে সন্ধিয়া হঠাৎ গুৱাহাটীৰ ব্ৰহ্মপুত্ৰ অতিথিশালাত পত্নী গৰিমা শইকীয়া গাৰ্গৰ সৈতে উপস্থিত হয় শিল্পী জুবিন।কি উদ্দেশ্যৰে মুখ্যমন্ত্ৰীক সাক্ষাৎ কৰে,সেই কথা বৰ্তমানো স্পষ্ট হোৱা নাই।মুখ্যমন্ত্ৰীক জুবিনৰ সাক্ষাৎ সম্পূৰ্ণ ঘৰুৱা আৰু সৌজন্যমূলক আছিল বুলি জানিব পৰা গৈছে।

মুখ্যমন্ত্ৰীক সাক্ষাৎ কৰাৰ সময়ত মুখ্যমন্ত্ৰীৰ প্ৰেছ উপদেষ্টা ঋষিকেশ গোস্বামী আৰু আইন উপদেষ্টা শান্তনু ভৰালী উপস্থিত আছিল।

শিল্পী জুবিনে মুখ্যমন্ত্ৰী সোণোৱালক সাক্ষাৎ কৰাৰ ফটো ইতিমধ্যে ভাইৰেল হৈছে সামাজিক মাধ্যমত।