২৫ জুনত ঘোষণা কৰা হ'ব উচ্চতৰ মাধ্যমিকৰ চূড়ান্ত বর্ষৰ ফলাফল:কিদৰে ফলাফল পাব জানি লওঁক

উচ্চতৰ মাধ্যমিক চূড়ান্ত বর্ষৰ পৰীক্ষাৰ ফলাফল ঘোষণাৰ বাবে সাজু হৈছে অসম উচ্চতৰ মাধ্যমিক শিক্ষা সংসদ।৬জুনত মেট্ৰিক পৰীক্ষাৰ ফলাফলৰ পিছতে অহা ২৫ জুনত ঘোষণা কৰা হ'ব চলিত বর্ষৰ উচ্চতৰ মাধ্যমিক চূড়ান্ত বর্ষৰ পৰীক্ষাৰ ফলাফল।এই কথা প্ৰকাশ কৰিছে উচ্চতৰ মাধ্যমিক শিক্ষা সংসদ অধ্যক্ষ দয়ানন্দ বৰগোঁহাইয়ে।

উল্লেখ যে ক'ৰ'না ভাইৰাছৰ বাবে চলিত বর্ষৰ পৰীক্ষা ফলাফল পূৰ্বৰ বর্ষতকৈ কিছু পলম হৈছে।এই কথা অৱগত কৰিলে অধ্যক্ষগৰাকীয়ে। 

কলা,বিজ্ঞান আৰু বাণিজ্যিক শাখাৰ ফলাফল একদিনাই ঘোষণা কৰা হ'ব।ছাত্ৰ-ছাত্ৰীয়ে অনলাইনৰ জৰিয়তে লাভ কৰিব ফলাফল।সংসদৰ ৱেবচাইট আৰু মোবাইল এ'পত চাব পাৰিব ফলাফল।তাৰ পৰিৱৰ্তে পূৰ্বৰ দৰে কেন্দ্ৰসমূহত নাপাব ফলাফল।

দেশৰ বিভিন্ন প্ৰতিযোগিতামূলক পৰীক্ষাসমূহ যিহেতু জুলাইত আয়োজিত হ'ব,তাৰ প্ৰতি লক্ষ্য ৰাখি ঘোষণা কৰা হ'ব ফলাফল।পুৱা ৯ বজাত ঘোষণা হ’ব লগা ফলাফল প্ৰকাশ পাব সংসদৰ ১৮টাকৈ ৱেবছাইটত।

ফলাফল ঘোষণাৰ পিছতে নিজ নিজ শিক্ষানুষ্ঠানত ছাত্ৰ-ছাত্ৰীয়ে  লাভ কৰিব মাৰ্কশ্বীট আৰু চাৰ্টিফিকেট।

১৮টা ৱেবছাইটত উপলব্ধ হ’ব পৰীক্ষাৰ ফলাফল

এইবাৰৰ পৰীক্ষাত অৱতীৰ্ণ হৈছিল মুঠ ২,৩৬,৮০৯ গৰাকী শিক্ষাৰ্থী।কলা শাখাত ১,৭৫,১৭৫গৰাকী,বিজ্ঞান শাখাত ৪০,৫৮৮গৰাকী,বাণিজ্য শাখাত ১৮,১৭৮ গৰাকী আৰু বৃত্তিমূলক শাখাত ৮৬৮গৰাকী। এই কথা সদৰি কৰিলে অধ্যক্ষ বৰগোঁহাই।

ফলাফল ঘোষণা হ'ব লগা ৱেবচাইটসমূহ হৈছে-
Www.Hsinfo.in www.Ahsec.nic.in 
Www.indiaresult.com
Www.knowyourresult.com
Www.examreslults.net 
Www.Results.shiksha
Www.Exametc.com.
Www.Schools9.com 
Www.Jagranjosh.com
Www.Resultsamarujala.com
Www.Assamresult.in
Www.iresults.net
www.eduassam.com 
Www.Assam.shiksha
Www.Assamjobalerts.com 
Www.timesofindia.com.
www.assamonline.in 
Www.school.gradeup.com