জিএমচিএইচত ক'ৰ'নাত আক্রান্ত ১৩বছৰীয়া কন্যাৰ সৈতে সুস্থ মাতৃ

মাতৃৰ বাবে সন্তান কিমান আপোন হ'ব পাৰে,তাকে পুনৰবাৰ প্ৰমাণ কৰিলে অসমৰ এগৰাকী মাতৃয়ে।সন্তানৰ স্বাৰ্থত মৃত্যুলৈ ভয় নকৰি ক'ৰ'নাত সংক্ৰমিত হোৱা ১৩বছৰীয়া কন্যা সন্তানৰ সৈতে গুৱাহাটী মেডিকেল কলেজ হাস্পতালৰ কোভিড-১৯ কক্ষত আছে এগৰাকী সুস্থ মাতৃ।উল্লেখ যে মৰমৰ ১৩ বছৰীয়া কন্যা সন্তানৰ হৃদপিণ্ডৰ অস্ত্ৰোপচাৰ কৰি মুম্বাইৰ পৰা ঘূৰি অহাৰ পিছতে  বৃৃহস্পতিবাৰে কন্যা সন্তানৰ দেহত ধৰা পৰে মহামাৰী কোভিড-১৯।যিহেতু হাৰ্ট অপাৰেচন হৈ যোৱা ১৩বছৰীয়া কণমানি সন্তানক অকলে কোভিড-১৯ কক্ষত থোৱাটো সম্ভৱ নহয়,গতিকে সংক্ৰমণৰ শংকাকো তুচ্ছ জ্ঞান কৰি সন্তানৰ জীৱন সুৰক্ষাৰ স্বাৰ্থত মাতৃয়ো কোভিড-১৯ আক্রান্ত সন্তানৰ লগত জিএমচিএইচত আছে।এই কথা সংবাদ মেলত প্ৰকাশ কৰিলে মন্ত্ৰী ড:হিমন্ত বিশ্ব শৰ্মাই।তেওঁ মাতৃগৰাকীৰ সন্তানৰ প্ৰতি থকা স্নেহক প্ৰণাম জনায়।