অনিৰ্দিষ্টকাললৈ দৰ্শনাৰ্থীৰ বাবে বন্ধ নৱগ্ৰহ দেৱালয়

বিশ্বত্ৰাস ক'ৰ'না ভাইৰাছৰ সংক্ৰমণ ৰোধৰ প্ৰতি লক্ষ্য ৰাখি আজিৰে পৰা অনিৰ্দিষ্টকাললৈ বন্ধ কৰি দিয়া হৈছে নৱগ্ৰহ দেৱালয়।এই কথা জনালে নৱগ্ৰহ দেৱালয় পৰিচালনা সমিতিয়ে।সংবাদ মাধ্যমলৈ আগবঢ়োৱা এখন বিজ্ঞপ্তিত দেৱালয় কৰ্তৃপক্ষই উল্লেখ কৰিছে যে চৰকাৰে বান্ধি দিয়া নীতি-নিৰ্দেশনাক গুৰুত্ব দিয়াৰ লগতে জনতাৰ কল্যাণৰ বাবে নৱগ্ৰহ দেৱালয় দৰ্শনাৰ্থীৰ বাবে অনিৰ্দিষ্টকাললৈ বন্ধ ৰখাৰ সিদ্ধান্ত লোৱা হৈছে। অৱশ্যে বিজ্ঞপ্তিটোতো প্ৰকাশ কৰা অনুসৰি 'ৰাইজৰ মংগলাৰ্থে নিয়মীয়া দৈনন্দিন পূজাভাগ চলি থাকিব।'