উন্নত চিকিৎসাৰ বাবে মুম্বাইলৈ নিয়া হ'ব জুবিন গাৰ্গক

শুকুৰবাৰৰপৰা গুৱাহাটীৰ নেমকেয়াৰ চিকিৎসালয়ত চিকিৎসাধীন হৈ থকা ৰাইজৰ মৰমৰ শিল্পী জুবিন গাৰ্গক নিয়া হ'ব মুম্বাইলৈ।বৰ্তমান শিল্পীগৰাকী প্ৰায় সুস্থ যদিও উন্নত চিকিৎসাৰ বাবে লৈ যোৱা হ'ব পাৰে মুম্বাইলৈ।উল্লেখ্য যে শিল্পীগৰাকীৰ পৰিয়াল আৰু ঘনিষ্ঠ এটা সূত্ৰই জানিব দিয়া অনুসৰি জুবিন প্ৰায় সুস্থ যদিও স্নায়ুজনিত কিছু সমস্যা থকাৰ বাবে মুম্বাইলৈ নিবলৈ প্ৰস্তুতি চলোৱা বুলি উল্লেখ কৰিছে।লগতে,তেওঁলোকে জানিবলৈ দিছে যদি তেওঁক মুম্বাইলৈ নিয়া হয়,তেন্তে দুই-এদিনতে নিয়া হ'ব পাৰে।মুম্বাইত থকা একাংশ শিল্পীয়ে এই ক্ষেত্ৰত গ্ৰহণ কৰিছে বিশেষ উদ্যোগ। গুৰুত্বপূৰ্ণ কথা এই যে বৃক্ক, যকৃতকে ধৰি শিল্পীগৰাকীৰ সকলোবোৰ অংগই সুচলভাৱে ক্ৰিয়া কৰি আছে।স্নায়ুজনিত সমস্যা সম্পূৰ্ণ সুস্থ কৰাৰ বাবেহে মুম্বাইলৈ নিয়াৰ প্ৰয়োজন থকা বুলি উল্লেখ কৰিছে।অৱশ্যে এই সন্দৰ্ভত আনুষ্ঠানিক ঘোষণা এতিয়াও কৰিবলৈ বাকী।