আজি বিশ্ব মহিলা বক্সিঙৰ কোৱাৰ্টাৰ ফাইনেলত অৱতীৰ্ণ হ'ব অসমৰ যমুনা বড়ো

ৰাছিয়াত চলি থকা বিশ্ব মহিলা বক্সিং চেম্পিয়নশ্বিপত উজলিছে অসম কন্যা যমুনা বড়ো।প্ৰতিপক্ষক ধৰাশায়ী কৰি ইতিমধ্যে অসম কন্যাগৰাকীয়ে প্ৰৱেশ কৰিছে কোৱাৰ্টাৰ ফাইনেলত। মঙলবাৰে নিশা ২২ বছৰীয়া অসম কন্যা যমুনাই প্ৰতিপক্ষ আলজেৰিয়াৰ অইডাড ফৌহক ৫-০ৰ পোনপটীয়া ব্যৱধানত পৰাস্ত কৰি কোৱাৰ্টাৰ ফাইনেলত প্ৰৱেশ কৰে। উল্লেখ্য যে অসম কন্যাগৰাকীয়ে পৰাস্ত কৰা আলজেৰিয়াৰ খেলুৱৈগৰাকী হৈছে আফ্ৰিকান গেমচৰ গ'ল্ড মেডেলিষ্ট।

ইফালে,যমুনা বড়োৰ এই সাফল্যত কেন্দ্ৰৰ ৰাজ্যিক ক্ৰীড়া আৰু যুৱ পৰিক্ৰমাৰ মন্ত্ৰী কিৰণ ৰিজিজুৱে টুইটাৰত অভিনন্দন জনায়। আজি যমুনাই ছেমি ফাইনেলত প্ৰৱেশৰ লক্ষ্যৰে অৱতীৰ্ণ হ'ব কোৱাৰ্টাৰ ফাইনেলত।গুৰুত্বপূৰ্ণ যে ২০১৫ চনত যমুনা বড়োৱে  বিশ্ব মহিলা চেম্পিয়নশ্বিপত ব্ৰঞ্জৰ পদক লাভ কৰি ইতিমধ্যে প্ৰতিভাৰ পৰিচয় দি হৈছে।