বিৰাট কোহলিৰ ৭২ ৰাণৰ সহায়েৰে দ্বিতীয় 'টী-২০'ত দক্ষিণ আফ্ৰিকাক ৭ উইকেটত পৰাস্ত কৰিলে ভাৰতে

মোহালিৰ আই এছ বিন্দ্ৰা ষ্টেডিয়ামত বুধবাৰে অনুষ্ঠিত দ্বিতীয়খন 'টী-২০' মেছত দক্ষিণ আফ্ৰিকাক ৭ উইকেটত পৰাস্ত কৰে ভাৰতে।দক্ষিণ আফ্ৰিকাই প্ৰথমে বেটিং কৰি ১৪৯/৫ ৰাণ কৰে।ভাৰতে ১৯ অভাৰ চলি থাকোতেই উক্ত লক্ষ্যত উপনীত হয়।অধিনায়ক বিৰাট কোহলিয়ে ৫২ টা বলত ৭২ ৰাণ কৰি দলৰ জয়ত মুখ্য ভূমিকা গ্ৰহণ কৰে।আনহাতে, শিখৰ ধৱনে ৩১ টা বলত ৪০ ৰাণ কৰে।এই জয়ৰে ভাৰতে শৃংখলাত ১-০ ত অগ্ৰগতি লাভ কৰে।