কিয় কেইগৰাকীমান বৃদ্ধাৰ সৈতে কেৰম খেলিলে মাষ্টাৰব্লাষ্টাৰ শচীন তেণ্ডুলকাৰে?

কেৰম খেলত মগ্ন হ'ল মাষ্টাৰব্লাষ্টাৰ শচীন তেণ্ডুলকাৰ।কাৰ লগত কেৰম খেলিলে শচীনে?শচীন তেণ্ডুলকাৰৰ কেৰম খেলৰ সংগী হ'ল কেইগৰাকীমান বৃদ্ধা।ছেন্ট এন্থনী অ'ল্ড এজ হোমত কেইগৰাকীমান বৃদ্ধাৰ সৈতে শচীনে কেৰম খেলি থকাৰ এটা ভিডিঅ' টুইটাৰত শ্বেয়াৰ কৰে।

'ফিট ইণ্ডিয়া মুভমেন্ট' আৰম্ভ হোৱা উপলক্ষে এই ভিডিঅ'টো শ্বেয়াৰ কৰি ভাৰতীয় ক্ৰিকেটৰ মহাতাৰকা শচীন তেণ্ডুলকাৰে টুইটাৰত লিখে-এইসকল 'ৱণ্ডাৰ ৱমেন'ৰ সৈতে ছেন্ট এন্থনী অ'ল্ড এজ হোমত কিছু সময় কটালোঁ।তেওঁলোকে মোৰ প্ৰতি প্ৰদৰ্শন কৰা ভালপোৱাত ধন্য অনুভৱ কৰিলোঁ।কেৰম খেলৰ বাবে তেওঁলোকৰ উৎসাহৰ কোনো সীমা নাছিল।আমাৰ প্ৰধানমন্ত্ৰী নৰেন্দ্ৰ মোডীয়ে ঠিকেই কৈছে-'ক্ৰীড়া আৰু ফিটনেছ সকলোৰে বাবে।'