স্মৃতি যুগমীয়া কৰাৰ প্ৰয়াস:দিল্লীৰ ফিৰোজশ্বাহ কোটলা ক্ৰিকেট ষ্টেডিয়াম পৰিচিত হ'ব অৰুণ জেটলিৰ নামেৰে

সদ্যপ্ৰয়াত প্ৰাক্তন বিত্তমন্ত্ৰী,বিজেপিৰ জ্যেষ্ঠ নেতা অৰুণ জেটলিৰ নামেৰে দিল্লীৰ ফিৰোজশ্বাহ কোটলা ক্ৰিকেট ষ্টেডিয়ামৰ নতুন নামকৰণ কৰা হ'ব।প্ৰাক্তন বিত্তমন্ত্ৰী, দেশৰ আগশাৰীৰ অধিবক্তা তথা এজন দক্ষ ক্ৰিকেট প্ৰশাসক অৰুণ জেটলিৰ স্মৃতি যুগমীয়া কৰি ৰাখিবলৈ  ডিডিচিএই এই সিদ্ধান্ত গ্ৰহণ কৰিছে।উল্লেখ্য যে জেটলি দিল্লী আৰু জিলা ক্ৰিকেট সংঘ(ডিডিচিএ)ৰ অধ্যক্ষ আৰু বিচিচিআইৰ উপাধ্যক্ষ আছিল।

ফিৰোজ শ্বাহ কোটলা ষ্টেডিয়ামৰ বিশ্বমানৰ আধুনিকীকৰণত প্ৰয়াত অৰুণ জেটলিৰ অনবদ্য অৰিহণা আছিল।ষ্টেডিয়ামটোৰ নাম সলনি সমাৰোহ অহা ১২ ছেপ্টেম্বৰত আয়োজন কৰা হ'ব।