২৬ জুলাইত আন্ত:ৰাষ্ট্ৰীয় ক্ৰিকেটৰ পৰা অৱসৰ গ্ৰহণ কৰিব 'য়ৰ্কাৰ কিং' লাচিথ মালিংগাই

শ্ৰীলংকাৰ তাৰকা বেগী বলাৰ,'য়ৰ্কাৰ কিং' লাচিথ মালিংগাই অচিৰেই আন্ত:ৰাষ্ট্ৰীয় ক্ৰিকেটৰ পৰা অৱসৰ গ্ৰহণ কৰিব।অৱসৰ গ্ৰহণ কৰাৰ লগতে  শ্ৰীলংকাকো বিদায় জনাব বেগী বলাৰগৰাকীয়ে।আনহাতে, প্ৰকাশিত খবৰ অনুসৰি লাচিথ মালিংগাই স্থায়ী  বাসিন্দা হিচাপে বাস কৰিব অষ্ট্ৰেলিয়াত।তাৰ বাবে ইতিমধ্যে মালিংগাই লাভ কৰিছে অষ্ট্ৰেলিয়াৰ নাগৰিকত্ব।

অহা ২৬ জুলাইত বাংলাদেশৰ বিৰুদ্ধে খেলিব লগা খেলখনেই হ'ব শ্ৰীলংকাৰ হৈ মালিংগাৰ কেৰিয়াৰৰ অন্তিমখন খেল।ইফালে, অষ্ট্ৰেলিয়ালৈ যোৱাৰ পিছত ৩৫ বছৰীয়া মালিংগাই ব'লিং প্ৰশিক্ষকৰ ভূমিকা পালন কৰিব।