বিশ্বকাপত ইংলেণ্ডৰ বিৰুদ্ধে ৩১ৰাণত ভাৰত পৰাস্ত হলেও অসামান্য অভিলেখ গঢ়িলে মহম্মদ ছামীয়ে

নিউজ ডেস্ক:
দেওবাৰে  বিশ্বকাপত ইংলেণ্ডৰ বিৰুদ্ধে ৩১ ৰাণত ভাৰত পৰাস্ত হলেও উক্ত খেল খনত ৫ টা উইকেট দখল কৰি এটা অসামান্য অভিলেখ গঢ়িলে ভাৰতৰ বেগী বলাৰ মহম্মদ ছামীয়ে।ইংলেণ্ডৰ বিৰুদ্ধে ৬৯ ৰাণত ৫ উইকেট দখল কৰা মহম্মদ ছামী পৰিগণিত হ'ল বিশ্বকাপত একেৰাহে ৩ খন খেলত ৪ টা বা তাতকৈ অধিক উইকেট দখল কৰা প্ৰথমজন ভাৰতীয় খেলুৱৈ হিচাপে পৰিগণিত হ'ল।ইংলেণ্ডৰ বিৰুদ্ধে খেলখনৰ পূৰ্বে আফগানিস্তান আৰু ৱেষ্ট ইণ্ডিজৰ বিৰুদ্ধে খেলত ৪ টা উইকেট দখল কৰিছিল ছামীয়ে।

আনহাতে,ছামী পৰিগণিত হ'ল এইক্ষেত্ৰত বিশ্বৰ দ্বিতীয় খেলুৱৈ হিচাপে।পাকিস্তানৰ শ্বাহীদ আফ্ৰিডী বিশ্বকাপত একেৰাহে ৩ খন খেলত ৪ টা বা তাতকৈ অধিক উইকেট দখল কৰা প্ৰথমগৰাকী খেলুৱৈ।