June
02
/ 2019
নগাঁৱৰ পৰা ঋতু পৰ্ণ শৰ্মা :
অসম পাঞ্জা সংস্থাৰ নগাঁও জিলা সমিতিৰ উদ্যোগত অহা ৮ আৰু ৯ জুনত অনুষ্ঠিত হ'বলগীয়া ৪৩ সংখ্যক ৰাজ্যিক পাঞ্জা প্ৰতিযোগিতাখনি এক অনিবাৰ্য কাৰণবশতঃ পিছুৱাই দিয়া হৈছে বুলি অভ্যৰ্থনা সমিতিৰ সভাপতি কনক হাজৰিকা আৰু সাধাৰণ সম্পাদক ভাস্কৰজ্যোতি মেধিয়ে NewsASNক জনাইছে ।
পূৰ্ব নিৰ্ধাৰিত তাৰিখৰ পৰিবৰ্তে অহা ১৫ আৰু ১৬ জুনতহে নগাঁও চহৰৰ ঐতিহ্যমণ্ডিত নুৰুল আমিন ষ্টেডিয়ামত এই প্ৰতিযোগিতাখনি অনুষ্ঠিত হ'ব । প্ৰতিযোগিতাখনি পূৰ্ব নিৰ্ধাৰিত সূচী অনুসৰিয়েই হ'ব । ইপিনে প্ৰতিযোগিতাখনিক কেন্দ্ৰ কৰি অভ্যৰ্থনা সমিতিয়ে ব্যাপক প্ৰস্তুতি গ্ৰহণ কৰিছে । ৰাজ্যৰ প্ৰায় তিনি শতাধিক প্ৰতিযোগী তথা অন্যান্য আমন্ত্ৰিত অতিথিসকলক আতিথ্য প্ৰদানৰ বাবে বিশেষ ব্যৱস্থা গ্ৰহণ কৰিছে বুলি অভ্যৰ্থনা সমিতিয়ে লগতে জনাইছে ।
- Log in to post comments
- 18 views
