ৰাষ্ট্ৰীয় দবালৈ অসমৰ চাৰিজনীয়া দল ঘোষণা

নগাঁৱৰ পৰা ঋতু পৰ্ণ শৰ্মা :

দক্ষিণ ভাৰতৰ আগশাৰীৰ ৰাজ্য কেৰালাৰ আৰ্নাকুলামত অহা ২৯জুনৰ পৰা ৰাষ্ট্ৰীয় দবা অনুৰ্দ্ধ-১৭(ল'ৰাৰ ছোৱালী)চেম্পিয়নশ্বিপ অনুষ্ঠিত হ'ব । এই চেম্পিয়নশ্বিপত অংশগ্ৰহণ কৰিবৰ বাবে চাৰিজনীয়া অসমৰ দলটি ঘোষণা কৰা হৈছে । অহা ৭ জুলাই পৰ্যন্ত চলিবলগীয়া
প্ৰতিযোগিতাখনিৰ বাবে ল'ৰাৰ শাখাত গুৱাহাটীৰ মন্থন কাশ্যপ দত্ত আৰু যোৰহাটৰ গৌৰাংগ সোনোৱাল তথা ছোৱালীৰ শাখাত গুৱাহাটীৰ অনুষ্কা প্ৰিয়ম আৰু দৰঙৰ হৰ্ষিতা ভৰদ্বাজে স্থান লাভ কৰে । উল্লেখযোগ্য যে গুৱাহাটীত যোৱা ১৭মে'ৰ পৰা ১৯মে' লৈ অনুষ্ঠিত ৪২সংখ্যক আন্তঃজিলা দবাৰ পৰা প্ৰদৰ্শনৰ ভিত্তিত উৎকৃষ্ট ফল দাঙি ধৰা চাৰিজনীয়া দলটিক নিৰ্বাচিত কৰা হৈছে । নিৰ্বাচিত খেলুৱৈসকলে অহা ৩০মে' বা তাৰ পূৰ্বে অসম দবা সন্থাৰ কোষাধ্যক্ষ মাধৱ শৰ্মাৰ সৈতে যোগাযোগ কৰিবলৈ অনুৰোধ জনোৱা হৈছে ।নিৰ্বাচিত খেলুৱৈসকলৰ উপৰি অন্য খেলুৱৈয়ে বিশেষ প্ৰৱেশ-পত্ৰৰে অংশ
গ্ৰহণ কৰিব বিচাৰিলে মাধৱ শৰ্মাৰ সৈতে যোগাযোগ কৰিব পাৰিব বুলি অসম দবা সন্থাৰ সম্পাদক ৰাজীৱ ধৰে জনাইছে ।