গোলাঘাটত ক'লা বেলুন উৰুৱাই মুখ্য মন্ত্ৰীক প্ৰতিবাদ

গোলাঘাটৰ পৰা মীনাক্ষী ফুকন

ৰাজ্য চৰকাৰক ক'লাতংকই খেদি ফুৰাৰ সময়তে আজি অসমৰ ষষ্ঠখন অভিযান্ত্ৰিক মহাবিদ্যালয় উদ্বোধন কৰিবলৈ গোলাঘাটলৈ আহে ৰাজ্যৰ মুখ্য মন্ত্ৰী সৰ্বানন্দ সোণোৱাল।

মুখ্য মন্ত্ৰী গোলাঘাট বগৰীজেঙস্থিত মহাবিদ্যালয়ত উপস্থিত হোৱাৰ সময়তে গোলাঘাট জিলা ছাত্ৰ সন্থাই নাগৰিকত্ব সংশোধনী বিধেয়কৰ বিৰোধিতা কৰি চৰকাৰবিৰোধী শ্লোগানেৰে ক'লা বেলূন উৰুৱাই মুখ্যমন্ত্ৰীৰ আগমনৰৰ বিৰোধিতা কৰে। জানিব পৰামতে, হাবিৰ মাজেদি মহাবিদ্যালয়ৰ চৌহদত প্ৰৱেশৰো চেষ্টা কৰে ছাত্ৰকৰ্মীসকলে।