ৰাজ্যত প্ৰাক্‌-নির্বাচনী হিংসা

•    কলিয়াবৰত বিজেপি নেতাৰ ঘৰত নিশা দুষ্কৃতিকাৰীৰ অগ্নিসংযোগ, দুখন বাহন ভস্মীভূত ৷ কলিয়াবৰ জিলা বিজেপিৰ সভাপতি অনিল শইকীয়াৰ ঘৰৰ গেৰেজত অগ্নিসংযোগ কৰা ঘটনাই তীব্ৰ প্ৰতিক্ৰিয়াৰ সৃষ্টি কৰিছে ৷
•    মাজুলীৰ আঠটা পঞ্চায়তৰ বিজেপি নেতা-কৰ্মীয়ে কাৰ্যালয়ৰ ভিতৰত থকা মুখ্য মন্ত্ৰী সৰ্বানন্দ সোণোৱালৰ প্ৰতিকৃতি বাহিৰলৈ দলিয়াই দিয়াৰ লগতে চকী-মেজ আদি ভাঙি পেলায় ৷
•    ধেমাজিত বিজেপি কৰ্মীয়ে জিলা বিজেপি কাৰ্যালয়ত তাণ্ডৱলীলা চলায় ৷ বিজেপিয়ে গণশক্তিৰ সৈতে নিৰ্বাচনী মিত্ৰতা কৰাৰ বিৰোধিতা কৰি জিলা বিজেপিৰ কাৰ্যালয়ৰ তলা ভাঙি তাণ্ডৱলীলা চলায় ৷
•    ধনৰ বিনিময়ত অযোগ্য লোকক দলীয় টিকট প্ৰদানৰ প্ৰতিবাদত কংগ্ৰেছ কৰ্মীয়ে তিনিচুকীয়াৰ ৰাজীৱ ভৱনত তাণ্ডৱলীলা চলায় ৷ দলীয় কৰ্মীৰ ৰুদ্ৰমূৰ্তি দেখি জিলা কংগ্ৰেছৰ সভাপতি জয়ন্ত কলিতাই পলাই পত্ৰং দিবলৈ বাধ্য হয় ৷
•    গণশক্তিক আসন এৰি দিয়াৰ প্ৰতিবাদত চিলাপথাৰত বিজেপি কৰ্মীৰ ৰাজপথ অৱৰোধ ৷ হোটেলত আবদ্ধ কৰি ৰাখিলে সাংসদ প্ৰদান বৰুৱাক ৷
•    চামগুৰিত কংগ্ৰেছৰ প্ৰাৰ্থিত্বকেন্দ্ৰিক সংঘাতে হিংসাত্মক ৰূপ ধাৰণ কৰিলে ৷ কংগ্ৰেছৰ একাংশ ক্ষুব্ধ কৰ্মীয়ে চামগুৰিৰ বৰমাস্থিত কংগ্ৰেছ ভৱনৰ আচবাব জ্বলাই দিয়ে ৷ বিধায়ক ৰকিবুল হুছেইনৰ বেনাৰ-পোষ্টাৰ ফালি পেলায় ৷
•    বিশ্বনাথৰ ৰাজীৱ ভৱনত যুৱ কংগ্ৰেছীৰ লংকাকাণ্ড৷ জিলা কংগ্ৰেছৰ সভাপতি দিলীপ বৰুৱাৰ একনায়কত্ববাদত ক্ষুব্ধ হৈ লণ্ডভণ্ড কৰে সভাপতিৰ কাৰ্যালয়৷
•    পঞ্চায়তৰ প্ৰাৰ্থী নিৰ্বাচনত ধনৰ লেনদেনৰ অভিযোগ ৷ নগাঁও জিলা অগপৰ কাৰ্যালয় ঘেৰাও কৰি শিলাবৰ্ষণৰ ফলত এজন অগপ কৰ্মী আহত হয়৷