বঙাইগাঁৱৰ ৰাভাপাৰা ফুটবল দল চূড়ান্ত বিজয়ী 

বঙাইগাঁও জিলাৰ কাকাৰাগাঁও আঞ্চলিক কোচ ৰাজবংশী ছাত্ৰ-সন্থাৰ উদ্যোগত অনুষ্ঠিত বলি নাৰায়ণ সিংহ আৰু যজ্ঞেশ্বৰ সিংহ সোঁৱৰণী প্ৰাইজমাণি ট্ৰফী ফুটবল প্ৰতিযোগিতাত কাকাৰা গাঁৱৰ ৰাভাপাৰা ফুটবল দল চূড়ান্ত বিজয়ী হৈছে ৷ আজি অনুষ্ঠিত চূড়ান্ত খেলখনত কাকাৰাগাঁও ৰাভাপাৰা ফুটবল দলে গৌৰাংটাৰি শিৱ মন্দিৰ ফুটবল দলক ২-১ গলৰ ব্যৱধানত পৰাস্ত কৰি চূড়ান্ত বিজয়ী হয় ৷

খেলৰ শেষত অনুষ্ঠিত বঁটা বিতৰণী অনুষ্ঠানত বিজয়ী আৰু বিজেতা দলক ট্ৰফীৰ লগতে ক্ৰমে  নগদ ১৫ হেজাৰ আৰু ১০ হেজাৰ টকা প্ৰাইজমাণি হিচাপে প্ৰদান কৰা হয় ৷ উল্লেখ্য যে অনুষ্ঠানত প্ৰয়াত বলি নাৰায়ণ সিংহৰ পত্নী পূৰ্ণিমা সিংহ আৰু যজ্ঞেশ্বৰ সিংহৰ পুত্ৰ বীৰবল সিংহৰ লগতে জিলা আক্ৰাছুৰ সাধাৰণ সম্পাদক দিলীপ বৰুৱা উপস্থিত থাকি বিজয়ী আৰু বিজেতা দল দুটাক বঁটা প্ৰদান কৰে৷