জিলা ভিত্তিক এথলেটিকছত প্ৰবীণ খেলুৱৈৰ কৃতিত্ব অৰ্জন

বৰপেটাৰোডৰ পৰা ৰনজিৎ তালুকদাৰ
বৰপেটা জিলাৰ হাউলীত  জিলা ভিত্তিত আজি অনুষ্ঠিত হোৱা প্ৰবীণ এথলেটিকছ প্ৰতিযোগিতাত ভালে কেইগৰাকী খেলুৱৈ অংশগ্ৰহণ কৰে । প্ৰতিযোগিতাত বৰপেটাৰোডৰ তিনি গৰাকী মহিলা প্ৰতিযোগীয়ে সফলতা অৰ্জন কৰিবলৈ সক্ষম হৈছে ৷

তেওঁলোক হৈছে- বাওঁফালৰ পৰা ক্ৰমে মামণি তালুকদাৰ (ডিছকাচ থ্ৰ’ত প্ৰথম, ৩০০০ মিটাৰ দৌৰত প্ৰথম, ১০০ মিটাৰ দৌৰত দ্বিতীয়, শ্বট পুটত দ্বিতীয়), বিউটি ঘোষ অধিকাৰী (শ্বট পুটত প্ৰথম, জেভেলিন থ্ৰ’ত দ্বিতীয় আৰু ডিছকাচ থ্ৰ’ত দ্বিতীয়) আৰু জয়মতী তালুকদাৰ (১০০ মিটাৰ দৌৰত দ্বিতীয়, জেভেলিন থ্ৰ’ত তৃতীয় আৰু ৪০০ মিটাৰ দৌৰত দ্বিতীয়)৷