ৰাষ্ট্ৰীয় প্ৰেক্ষাপটত জিলিকিল গোলাঘাটৰ কস্তুৰীকা 

গোলাঘাটৰ পৰা মীনাক্ষী ফুকন
যোৱা ২৯ অক্টোবৰৰ পৰা ২ নৱেম্বৰলৈ উত্তৰ প্ৰদেশৰ লক্ষ্ণৌত অনুষ্ঠিত হোৱা ৰাষ্ট্ৰীয় ক্ৰীড়া প্ৰতিযোগিতাৰ লং জাম্পত গোলাঘাট খুমটাই সমষ্টিৰ মেলামৰা অঞ্চলৰ কস্তুৰীকা শইকীয়াই তৃতীয় স্থান লাভ কৰিবলৈ সক্ষম হৈছে । শংকৰদেৱ শিশু নিকেতনৰ অষ্টমমান শ্ৰেণীৰ ছাত্ৰীগৰাকীয়ে পূৰ্বে বিদ্যা ভাৰতীৰ অধীনত অসম ভিত্তিত প্ৰথম স্থান লাভ কৰি ৰাষ্ট্ৰীয় পৰ্যায়লৈ নিৰ্বাচিত হৈছিল । প্ৰবীন শইকীয়া আৰু সবিতা শইকীয়াৰ কন্যা কস্তুৰীকাৰ সাফল্যত বিদ্যালয়খনৰ লগতে গোলাঘাটৰ ক্ৰীড়া সমাজলৈ এক আনন্দৰ পৰিবেশ কঢ়িয়াই আনিছে ।