মৰিগাঁৱত ২৫ অক্টোবৰৰ পৰা মতিৰাম বৰা ফুটবল প্ৰতিযোগিতা

মৰিগাঁৱৰ পৰা জিতুমনি নাথ

মৰিগাঁও জিলা ক্ৰীড়া সন্থাৰ উদ্যোগত অনুষ্ঠিত হ'বলগা ৪৭সংখ্যক মতিৰাম বৰা ফুটবল প্ৰতিযোগিতাখন অহা ২৫ অক্টোবৰৰ পৰা অনুষ্ঠিত হ'ব । অহা ২ নৱেম্বৰত সামৰণি পৰিবলগা প্ৰতিযোগিতাখনিত মুঠ ৮টা দলে অংশগ্ৰহণ কৰিব ।

মৰিগাঁও জিলা ক্ৰীড়া সন্থাৰ সভাপতি পৱন মান্তা আৰু সম্পাদক জিতু বৰদলৈয়ে জানিবলৈ দিয়া মতে, মৰিগাঁও ক্ষীৰোদ বৰুৱা ষ্টেডিয়ামত অনুষ্ঠিত হ'বলগা প্ৰতিযোগিতাখনৰ উদ্বোধনী খেলত প্ৰতিদ্বন্দ্বিতা কৰিব জাগীৰোড আঞ্চলিক ক্ৰীড়া সন্থা একাদশ বনাম ব'ল ব'ম ফুটবল একাদশ, মৰিগাঁৱে ।

খেলখন উদ্বোধন কৰিব আন্তঃৰাষ্ট্ৰীয় ফুটবল খেলুৱৈ মমিন বৰদলৈয়ে আৰু প্ৰতিযোগিতাখন শুভাৰম্ভ কৰিব তিৱা স্বায়ত্ত পৰিষদৰ মুখ্য কাৰ্যবাহী সদস্য পৱন মান্তাই ।

প্ৰতিযোগিতাখন সাফল্যমণ্ডিত কৰাৰ ক্ষেত্ৰত সকলো শ্ৰেণী ৰাইজৰ সহায়-সহযোগিতা কামনা কৰিছে মৰিগাঁও জিলা ক্ৰীড়া সন্থাই ।