বকোৰ সন্তান গোলাপ ৰাভাই জিনিলে মিঃ ৱৰ্ল্ড খিতাপ

ক্ৰমশঃ দীঘলীয়া হ'বলৈ ধৰিছে ক্ৰীড়া বিশ্বত উজলি উঠা অসম সন্তানৰ তালিকাখন ৷ অসমবাসীলৈ গৌৰৱ কঢ়িয়াই শৰীৰ চৰ্চাৰ আন্তৰ্জানিতক পৰ্যায়ত শীৰ্ষত আৰোহণ কৰিলে বকোৰ সন্তান গোলাপ ৰাভাই ৷ ডব্লিউ এফ এফ-ডব্লিউ বি বি এফৰ দ্বাৰা আয়োজিত প্ৰতিযোগিতাত গোলাপ ৰাভাই মিঃ ৱলৰ্ড খিতাপ জয় কৰে ৷

উল্লেখ্য, এই প্ৰতিযোগিতা অনুষ্ঠিত হৈছিল ইউৰোপৰ লিথুৱানিয়াত ৷ অনন্য সাফল্যৰ গৰাকী হোৱা গোলাপ ২০১৭-১৮ বৰ্ষত মিঃ ইণ্ডিয়া খিতপ জয় কৰিছিল ৷ আনহাতে, চলিত ২০১৮ বৰ্ষত তেওঁ জয় কৰিছিল মিঃ এছিয়া খিতাপ ৷ গোলাপৰ সাফল্যই আনন্দৰ বন্যা বোৱাইছে ৰাজ্যৰ ক্ৰীড়া প্ৰেমী ৰাইজৰ মাজত ৷