বঙাইগাঁৱৰ কাকাৰাগাঁৱত ফুটবল প্ৰতিযোগিতা

বঙাইগাঁৱৰ কাকাৰাগাঁৱত আজিৰে পৰা যজ্ঞেশ্বৰ সিংহ সোঁৱৰণী প্ৰাইজমানী আৰু ট্ৰফী ফুটবল প্ৰতিযোগিতা আৰম্ভ হৈছে ৷ সদৌ কাকাৰাগাঁও আঞ্চলিক কোচ ৰাজবংশী ছাত্ৰ সন্থাৰ উদ্যোগত অনুষ্ঠিত এই ফুটবল প্ৰতিযোগিতাখন আনুষ্ঠানিকভাৱে উদ্বোধন কৰে পূৰ্ণিমা চৌধুৰীয়ে ৷

অনুষ্ঠানত আক্ৰাছুৰ কেন্দ্ৰীয় সমিতিৰ সাধাৰণ সম্পাদক গোকুল বৰ্মনৰ লগতে জিলা আক্ৰাছুৰ সাধাৰণ সম্পাদক দিলীপ বৰুৱা, খৰ্গেশ্বৰ চৌধুৰী আদি  উপস্থিত থাকে ৷ উদ্বোধনী খেলখনত ফকিৰাগ্ৰাম এফ চি দলে বঙাইগাঁও স্পৰ্টছ একাডেমীক ৩-০ গ'লত পৰাজিত কৰি বিজয়ী হয় ৷ প্ৰতিযোগিতাখনত মুঠ ১৬টা দলে যোগদান কৰিছে ৷