কাজাইকাটা বালাৰ গুদামত হাডুডু খেলত চূড়ান্ত বিজয়ী বচিৰ চৰ 

বিলাসীপাৰাৰ পৰা জহিৰুল ইছলাম

ধুবুৰী জিলাৰ নায়েৰ আলগা উন্নয়ন খণ্ডৰ অধীনৰ কাজাইকাটা বালাৰ গুদামত চলি থকা হাডুডু খেল প্ৰতিযোগিতাৰ শনিবাৰে অনুষ্ঠিত চূড়ান্ত খেলত অংশগ্ৰহণ কৰে বচিৰ চৰ আৰু গোৱালেৰ চৰে (নয়াপাৰা) ৷

এই খেলত বচিৰ চৰে গোৱালেৰ চৰ (নয়াপাৰা)ক পৰাজিত কৰি চূড়ান্ত বিজয়ীৰ সন্মান লাভ কৰে ৷ বিজয়ী দলটো ৱেলাভ কৰে ১৪ ইঞ্চিৰ এটা ৰঙীণ টিভি ৷

উক্ত খেলত আমন্ত্ৰিত ব্যক্তি হিচাপে উপস্থিত থাকে নায়েৰ আলগা ব্লক কংগ্ৰেছ কমিটিৰ সভাপতি তয়জাল হক, কাজাইকাটা সমবয় সমিতিৰ সভাপতি শ্বেখ আবুল হাচেম, এ আই ইউ ডি এফ দলৰ মছলিম উদ্দিন আহমেদ, কংগ্ৰেছৰ আবু চামা শ্বেখ, শগুনমাৰী গাঁও পঞ্চায়তৰ প্ৰাক্তন সভাপতি আতোৱাৰ ৰহমান, অসম গণ পৰিষদ দলৰ আব্দুছ ছালাম, নায়েৰ আলগা কংগ্ৰেছ সেৱা দলৰ সভাপতি আব্দুল আওৱাল, অধিবক্তা চানবাহাদুৰ মোল্লাকে ধৰি বহু গণ্যমান্য ব্যক্তি ৷

উক্ত খেলখন উপভোগ কৰে পাঁচ হেজাৰৰো অধিক দৰ্শকে ৷