৫ ৰাজ্যৰ বিধানসভা নিৰ্বাচনৰ তাৰিখ ঘোষণা নিৰ্বাচন আয়োগৰ

ভাৰতীয় নিৰ্বাচন আয়োগে আজি ৫ ৰাজ্যৰ বিধানসভাৰ তাৰিখ ঘোষণা কৰে ৷ আজি ঘোষিত নিৰ্বাচনৰ তাৰিখ অনুসৰি মধ্যপ্ৰদেশ আৰু মিজোৰামত অহা ২৮ নৱেম্বৰত এটা পৰ্যায়ত নিৰ্বাচন অনুষ্ঠিত হ'ব ৷

একেদৰে ৰাজস্থান আৰু তেলেংগানাতো এটা পৰ্যায়ত অহা ডিচেম্বৰৰ ৭ তাৰিখে নিৰ্বাচন অনুষ্ঠিত হ'ব ৷ আনহাতে, চত্তীশগড়ত ১৮খন আসনৰ বাবে ১২ নৱেম্বৰত প্ৰথম পৰ্যায়ৰ আৰু ৭২খন আসনৰ বাবে ২০ নৱেম্বৰত দ্বিতীয় পৰ্যায়ৰ নিৰ্বাচন অনুষ্ঠিত হ'ব ৷

আটাইকেইখন ৰাজ্যৰ বাবে ঘোষণা কৰা ভোটগণনাৰ তাৰিখ হ'ল ১১ ডিচেম্বৰ ৷ মুখ্য নিৰ্বাচন আয়ুক্ত অ' পি ৰাৱাটে আজি এই তাৰিখ আনুষ্ঠানিকভাৱে ঘোষণা কৰে ৷