নেহৰু ক্লাৱ চূড়ান্ত বিজয়ী

ৰহাৰ নিকটবৰ্তী ফুলগুড়িত মহগড় যুৱ সমাজৰ উদ্যোগত অনুষ্ঠিত হোৱা ফুটবল প্ৰতিযোগিতাৰ আজি চূড়ান্ত খেলখনত পূব শালমৰাৰ নেহৰু ক্লাৱ বিজয়ী হয় ৷ খেলখনত অংশগ্ৰহণ কৰে পূৱ শালমৰাৰ নেহৰু ক্লাৱ আৰু কটহগুৰি যুৱক সংঘই ৷ মহগড়ৰ স্থানীয় খেলপথাৰত অনুষ্ঠিত হোৱা তীব্ৰ উত্তেজনাপূৰ্ণ মেচখনত নেহৰু ক্লাৱে একমাত্ৰ গ’লৰ ব্যৱধানত কটহগুৰি যুৱক সংঘক পৰাস্ত কৰি বিজয়ীৰ মুকুট পিন্ধিবলৈ সক্ষম হয় ৷

ক্ৰমাগতভাৱে তৃতীয় বৰ্ষত ভৰি দিয়া প্ৰতিযোগিতাখনত ৩২ দলে অংশগ্ৰহন কৰে ৷ কেইবা সহস্ৰাধিক দৰ্শকৰ উপস্থিতিত অনুষ্ঠিত হোৱা চূড়ান্ত খেলখনত একমাত্ৰ গ’লটো দিয়ে মাধৱ বৰদলৈয়ে ৷ মেচখনৰ শ্ৰেষ্ঠ খেলুৱৈৰ সন্মান লাভ কৰে বিজয়ী দলৰে তথা আজিৰ চূড়ান্ত খেলখনৰ একমাত্ৰ গলদাতা মাধৱ বৰদলৈয়ে ৷ খেলখন পৰিচালনা কৰে দিগন্ত পাটৰ, গনেশ ডেকা আৰু প্ৰনয় বৰদলৈয়ে ৷