অস্কাৰত 'অফিচিয়েল এণ্ট্ৰি' ভিলেজ ৰক ষ্টাৰৰ

অসমীয়া ছবি জগতৰ বাবে এটা ভাল খবৰ ।

পোন প্ৰথমবাৰৰ বাবে অসমীয়া ছবিয়ে লাভ কৰিছে অস্কাৰ বঁটাৰ বাবে নিৰ্বাচনৰ যোগ্যতা ৷

ৰিমা দাসৰ বহু চৰ্চিত আৰু বিশ্বজনীনভাৱে সমাদৃত ছবি 'ভিলেজ ৰক ষ্টাৰ'-এ লাভ কৰিছে অস্কাৰ বঁটাৰ অফিচিয়েল এণ্ট্ৰি ৷

উল্লেখ্য যে ৰিমা দাসৰ ৰক ষ্টাৰ ছবিখনে ইতিমধ্যে ৰাষ্ট্ৰীয় চলচ্চিত্ৰৰ শ্ৰেষ্ঠ বঁটা লাভ কৰা লগতে দেশে-বিদেশে লাভ কৰিবলৈ সক্ষম হৈছে বহুকেইটা বঁটা ৷

১৯৩৫ চনত জ্যোতিপ্ৰসাদ আগৰৱালাই জয়মতীৰে অসমীয়া ছবি জগতৰ শুভাৰম্ভণি ঘটোৱাৰ পিছত প্ৰথমবাৰৰ বাবে আন্তঃৰাষ্ট্ৰীয় ছবি জগতৰ সৰ্বোচ্চ সন্মান অস্কাৰৰ বাবে নিৰ্বাচিত ছবিৰ বাবে মনোনয়ন লাভ কৰিছে ভিলেজ ৰক ষ্টাৰে ।

ফিল্ম ফেডাৰচন অব্‌ ইণ্ডিয়াই আজি এই কথা প্ৰকাশ কৰিছে ।

ইয়াৰ লগতে অসমীয়া অভিনেতা আদিল হুছেইন অভিনীত নৰৱে'ৰ ছবিখনেও অস্কাৰৰ মনোনয়ন লাভ কৰিবলৈ সক্ষম হৈছে ৷