নৰ্থ ইষ্ট পুলিচ একাডেমীত অসম আৰক্ষী সঞ্চালক প্ৰধান ভাস্কৰজ্যোতি মহন্ত

নিউজ ডেস্ক:

শনিবাৰে মেঘালয় নৰ্থ ইষ্ট পুলিচ একাডেমীত অসম আৰক্ষীৰ সঞ্চালক প্ৰধান ভাস্কৰজ্যোতি মহন্ত।ৰাজ্যৰ ৫৯৭গৰাকী প্ৰশিক্ষণৰত আৰক্ষী উপ-পৰিদৰ্শকৰ প্ৰশিক্ষণৰ বুজ লয় মহন্তই।উল্লেখ্য যে ৯মাহ ইতিমধ্যে প্ৰশিক্ষণ সম্পন্ন হৈছে উপ-পৰিদৰ্শকসকলৰ।চলিত বৰ্ষৰ মাৰ্চ মাহৰ শেষৰ ফালে সমাপন হ’ব এইসকলৰ প্ৰশিক্ষণ।তাৰ পাছতে ৰাজ্যৰ ভিন্ন প্ৰান্তত জনতাৰ সুৰক্ষাত নিয়োজিত হ’ব উপ-পৰিদৰ্শকসকল।

ইফালে আজি প্ৰশিক্ষণৰত উপ-পৰিদৰ্শকসকলে মহন্তক পেৰেডেৰে অভিবাদন জনায়।গুৰুত্বপূৰ্ণ কথা এই যে, আই পি এছ দীপক কুমাৰৰ নেতৃত্বত প্ৰশিক্ষণ গ্ৰহণ কৰি থকা উপ-পৰিদৰ্শকসকলে অসম আৰক্ষীক অধিক শক্তিশালী কৰিব বুলিও আশা প্ৰকাশ কৰে মহন্তই।